Юпа уйӑхӗн 20-мӗшӗнче 5-7 класра вӗренекенсем Красноармейскин краеведени музейне ҫитсе курчӗҫ. В.А.Тихонова музейпа, унти тӗрлӗ залпа, тӗлӗнмелли экспонатсемпе паллаштарчӗ. Курмалли-пӗлмелли вара кунта! Ачасене уйрӑмах палеонталоги кӗтесӗ илӗртрӗ. Ӗлӗкхи чӑваш ҫемйинче усӑ курнӑ кил-тӗрӗшри хатӗрсем те кӑсӑклантарчӗҫ ачасене: савӑт-сапи, сӑпки, кӗпе-тумтирӗ т. ыт. те. Ҫарпа паттӑрлӑх темине ҫутатакан стендсем Аслӑ аттелӗх вӑрҫинче, Афганпа Чечен вӑрҫисенчи Трак енри паттӑрсемпе паллаштарчӗҫ. Ачасем ҫак музейра Мӑн Шетмӗ тӑрӑхӗнчен тухнӑ паллӑ ентешсем ҫинчен хатӗрленӗ материалсемпе те паллашма пултарчӗҫ. Музейри экскурсипе ачасем кӑмӑллӑ юлчӗҫ. Хамӑр тӑван ен пирки пӗлмелли, чӑнах та, питӗ нумай кунта.